Sinossi

"Sòcu Antonello Mariotti e fòcciu lu sommelier. Còsa 'ó dì esse un sommelier?". Cun chista dummanda, pòsta a cumènciu di lu só' còntu in gaddhurésu -la linga salda di la Gaddhura - l'autóri abbri a manni e a minóri la 'janna di l'ammènti, di li paràuli, di li 'spiriènzi d'una 'ita passata a cunniscì lu mundu, pa' iddhu maraigliósu, di lu 'inu. Da li primmi passi illa 'igna infatt'a a lu minnannu Baltólu, a li mumènti di lu trabaddhu innant'a l'ùa, a li 'studi sigùti pa' pudé fà la pruffissiòni.  Cu' la duùta attinziòni pa' li palticculari di la 'ita di li tèmpi andati, cussì còmu pa' li tanti lati di cunniscì a li tèmpi d'óggji, Mariotti prisènta ancóra li diffarènti galitai d'ùa trattati illi lóchi undi s'è ammannatu, a cumincià da la specialitai - cunnisciuta oramai in tuttu lu mundu - di lu 'Almintìnu di Gaddhura D.O.C.G. "